Kombe la Dunia 2030: Nchi sita, kanda tano za wakati, mabara matatu, misimu miwili, mashindano moja

Nchi sita.Kanda tano za wakati.Mabara matatu.Misimu miwili tofauti.Kombe la Dunia moja.

Mipango iliyopendekezwa ya mashindano ya 2030 - yatakayofanyika Amerika Kusini, Afrika na Ulaya - ni ngumu kufikiria kama ukweli.

Itakuwa ni mara ya kwanza kwa Kombe la Dunia kuchezwa katika zaidi ya bara moja - 2002 lilikuwa tukio pekee la awali na mwenyeji zaidi ya mmoja katika nchi jirani za Korea Kusini na Japan.

Hilo litabadilika wakati Marekani, Mexico na Kanada watakapokaribisha 2026 - lakini hiyo haitalingana na kiwango cha Kombe la Dunia la 2030.

Uhispania, Ureno na Morocco zimetajwa kuwa wenyeji pamoja, lakini mechi tatu za ufunguzi zitafanyika Uruguay, Argentina na Paraguay kuadhimisha miaka 100 ya Kombe la Dunia.